Прычынай крушэння пасажырскага цягніка ў Індыі магло стаць пашкоджанне рэйкі ад перападу тэмператур

У Індыі назвалі прычыну крушэння хуткага цягніка, у выніку аварыі ўчора загінула больш як 130 пасажыраў. Паводле папярэдніх звестак, катастрофа адбылася ад пашкоджання рэйкі, выкліканага розніцай летніх і зімовых тэмператур. У аварыі раніцай у нядзелю 14 вагонаў цягніка сышлі з рэек на вялікай хуткасці. Катастрофа стала самай маштабнай за 6 гадоў.